Аустралияда трактордан құлаған 95 жастағы фермер бірнеше күн балшықта жатып қалған

Австралияның Квинсленд штатында 95 жастағы фермер трактордан құлап, бірнеше күн балшықта жатқан. Оны көршісі байқап, аман алып қалды, деп хабарлайды Zakon.kz.

7 News басылымының жазуынша, трактордан құлаған қарт адамға құтқарушылар көмекке келіп, ауруханаға алып барды.

Дәрігерлер диқанға гипотермия және сусыздану диагнозын қойды.

Басылым қазір зейнеткердің жағдайы ауыр, бірақ тұрақты екенін жазды.