8 наурызда Антониу Гутерриш Украина астанасында ел президенті Владимир Зеленскиймен кездеседі. Бұл туралы БҰҰ Бас хатшысының ресми өкілінің орынбасары Фархан Хак брифинг кезінде мәлім етті, деп хабарлайды ТАСС.
Бұған дейін БАҚ-та Гутерриш пен Зеленский 8 наурызда, сәрсенбіде кездесетінін, оның барысында астық мәмілесін ұзартуды және басқа да осымен байланысты мәселелерді талқылауды жоспарлап отырғаны хабарланған болатын. Осы сапардан кейін БҰҰ Бас хатшысы Нью-Йоркке оралады.
БҰҰ өкілі басқа да бірқатар мәселелерді қозғауға ниетті.
19 ақпанда БҰҰ-ның бүкіл әлемдегі мұқтаж жандарға көмек ретінде 250 миллион доллар бөлуді жоспарлап отырғаны белгілі болды.