Қырғызстан Ресейге санкцияланған тауарларды экспорттауға байланысты АҚШ-тың экономикалық шектеулер енгізуіне еш алғышарт көріп отырған жоқ. Бұл жөнінде Қырғызстан Республикасы Министрлер кабинетінің басшысы Ақылбек Жапаров мәлімдеді, деп жазды Kun.uz.
"Біз қандай да бір шектеулер енгізуден қорықпауымыз керек. Санкцияланған тауарлар шекарамыздан өтпеуі және санкция бар жерге бармауы үшін барлық алдын алу шаралары қабылданды". Ақылбек Жапаров
Қырғызстан үкімет басшысы экспортты ұлғайту және Қырғызстанның санкцияларды айналып өту мәселесі Батыс делегацияларының өкілдерімен бірнеше рет талқыланғанын айтты.
"Тауарлардың шекарадан өтуінің ашықтығына байланысты экспорт пен қаражаттың түсуі туралы нақты деректер болды. Біз дұрыс бағытта жұмыс істеп жатырмыз - тауарларды қадағалау ашық болды, қандайда бір жағдайда декларацияланбаған жүктерді анықтау мақсатында мен кәсіпкерлерден электронды шот-фактураларды қабылдауды сұраймын". Ақылбек Жапаров
The Washington Post газеті АҚШ-тың Қырғызстанға қарсы санкция салуға дайындалып жатқанын жазған еді.