Украина Сыртқы істер министрлігінің хабарлауынша, елші Ресейге қарсы санкцияларды айналып өту үшін Қырғызстанның юрисдикциясын пайдаланғаны жөніндегі ақпарат бойынша түсініктеме беру үшін шақырылған. Атап айтқанда, қос мақсаттағы өнімдер мен қару-жарақ жасау үшін пайдалануға болатын жоғары технологиялық компоненттер мен бұйымдар жеткізілген.
Дипломатқа Қырғызстанның әлемдік қауымдастықтың мүшесі ретінде Ресейге қарсы халықаралық санкциялық саясатты сақтауға жауапты болуға тиіс екені айтылды.
"Қырғызстан аумағынан Ресей Федерациясына әскери техниканы жарақтандыруға жарамды тауарларды реэкспорттауды Украина тарапы достыққа жат әрекет ретінде бағалайды". Украина Сыртқы істер министрлігі
20 шілдеде АҚШ қаржы министрлігі Қырғызстанның төрт компаниясын "Ресеймен әріптестік орнатқаны үшін" санкциялар тізіміне енгізді.
The Washington Post газеті Қырғызстанға қарсы санкциялар салынуы мүмкін екенін жазған. Басылым Орталық Азияда Ресейге тыйым салынған технологияларды жеткізудің жасырын жүйесі ұйымдастырылғанын хабарлады.
Қырғызстан министрлер кабинетінің басшысы Ақылбек Жапаров ел билігі санкцияланған тауарларды шекарадан өткізбеу үшін шара қолданатынын айтты.
