Билік ең қатты зардап шеккен Дерна қаласын апат аймағы деп жариялады. Шенеуніктер электр қуаты мен байланыс үзілгендіктен қалаға кіру мүмкін болмай қалғанын айтты.
Елдің әскери өкілі баспасөз мәслихатында Дермадағы қатты су тасқыны салдарынан 1200 адам зардап шеккенін айтты.
Al Jazeera су тасқынынан әскерилер өкілі айтқандай 2000 емес, 150 адам көз жұмғанын жазды. Бұл статистиканы Бенгазидегі Қызыл жарты ай ұйымының басшысы Кайс Факери келтірді. Олардың мәліметінше, 6 мыңға жуық адам із-түзсіз жоғалған деп саналып отыр.
Шенеуніктің сөзінше, Әл-Мардж, Суса, Шахат және Әл-Байда қалаларында да бірнеше адам қайтыс болған.
"Бүтіндей кварталдар тұрғындарымен бірге қирады", – деді Ливия әскери ведомствосының басшысы.
Associated Press агенттігінің мәліметінше, Солтүстік Африканың бұл еліндегі жойқын су тасқынына Жерорта теңізіндегі "Дэниел" дауылы себеп болған. Ол кварталдарды түгелдей шайып кетті, жағалауда орналасқан бірнеше қаладағы үйлерді қиратты.
Әлеуметтік желіде жарияланған кадрлар үрей туғызады.
Қаладағы су деңгейі үш метрге көтерілді.