Copernicus ғалымдары бақылау тарихында өткен ай әлемдегі ең ыстық қазан болғанын, қазан айындағы температура 1800 жылдардың аяғындағы орташа деңгейден 1,7 градусқа жылы болғанын анықтады.
Қазба отындарын жағу және табиғатты жою арқылы адамдар атмосфераға жылу ұстағыш газ шығарады, олар өнеркәсіптік революциядан кейін планетаның температурасын 1,2 градусқа арттырды. Ғалымдардың пікірінше, 2023 жылдың қазан айындағы жаһандық температура аномалиясы деректер жинағындағы кез келген айдың екінші ең жоғары көрсеткіші болды.
"Рекордтық ыстық жылды бастан өткеріп жатқанымыз адам баласының рекордтық қасіретін білдіреді. Осы жыл ішіндегі экстремалды температурамен күшейе түскен қатты ыстық толқындар мен құрғақшылық мыңдаған адамның өліміне, тіршілік ету құралдарынан айырылуға және халықтың қоныс аударуына әкеп соқтырды. Дәл осы рекордтардың маңызы бар." Лондон императорлық колледжінің климатологы Фридерик Отто
Сегіз жыл бұрын Парижде өткен саммитте әлем көшбасшылары ғаламшарды 1,5 градусқа жылынуын ғасырдың соңына дейін тоқтатуға тырысамыз деп уәде берген. Дегенмен қазіргі саясат ғаламшарды шамамен 2,4 градусқа жылытады.
