Трамптың алғашқы жазбасы 1 маусым, сенбіде Нью-Джерсиде өткен UFC 302 турнирінен түсірілген қысқа видео болды. Оның жанында UFC директоры Дана Уайт тұр, ол АҚШ-тың бұрынғы президентін енді TikTok-тан табуға болатынын хабарлайды. Алғашқы жазбасы жарияланған аккаунтта қазірдің өзінде 700 мыңнан астам жазылушысы барын байқауға болады.
2020 жылы Трамп Америка Құрама Штаттарының президенті ретінде әлеуметтік желіге тыйым салуға тырысты, тіпті сотпен күші жойылған тиісті Жарлыққа да қол қойған.
2021 жылы АҚШ-тың қазіргі президенті Джо Байден Трамптың TikTok-қа салған тыйымын жойды. Сәуірде Байден бағытын өзгертуге шешім қабылдады және платформаның меншік иесін өзгертуге міндеттейтін заңға қол қойды. Әйтпесе, АҚШ-тағы әлеуметтік желіге тыйым салынатын болды. Компанияның өзі сотта шешімге қарсы шығуды жоспарлап отырғанын хабарлады.
Сондай-ақ, ҚР Мәдениет және ақпарат министрі Аида Балаева Мәжіліс дәлізінде журналистерге берген сұқбатында Қазақстанда TikTok-ты бұғаттау мәселесі қаралып жатқанын хабарлады.