Бұл туралы Өзбекстан Сыртқы істер министрлігі мәлімдеді.
"Дубайда Өзбекстан азаматтары арасында болған оқиғаның мән-жайын анықтау үшін еліміздің дипломаттары Дубай қылмыстық іздестіру басқармасының басшылығымен кездесу өткізді. БАӘ тарапынан бұл іс бойынша тергеу амалдары жүргізіліп, Өзбекстанның 15 азаматы ұсталғаны хабарланды. Сондай – ақ, соңғы уақытта Өзбекстан азаматтары жасаған құқық бұзушылықтардың өсуі екі ел арасындағы визасыз режимге әсер етуі мүмкін екендігі атап өтілді", – делінген ақпаратта.
Ведомство осы жағдай бойынша тиісті құқық қорғау органдарымен ынтымақтастықта жұмыс істеуді жалғастырып жатқанын атап өтті.
Бұған дейін Біріккен Араб Әмірліктеріндегі сот өткен наурыз айында үш өзбекстандықты өлім жазасына кескендігі жайлы жазған болатынбыз.