Әулие Петр соборының жер астындағы ғибадатханасы - Мәсіхтің жердегі елшісі, бірінші Рим папасының қабірі басында рәсім басталмас бұрын XIV Лео Әулие Петр алаңы мен жақын маңдағы Кончилиацион көшесі бойымен төбесі ашық көлікпен жүріп өтті.
Рим билігінің алдын-ала есептеулеріне сәйкес, алаңға жиналған туристер мен жергілікті тұрғындар саны 250 мың адамға жетуі мүмкін.
Алаңға 150-ден астам делегация жиналған. Ең көбісі – итальяндықтар. Понтифик көптеген жылдар бойы Перуде миссионер болып әрі АҚШ азаматтығын алған. Оның туған жері Құрама Штаттары болып табылады.
Рәсімнің басты оқиғасы XIV Леоға Папа билігінің рәміздерін табыстау болды: балықшы сақинасы мен паллия – кресттермен кестеленген мойынға тағатын лента.
2025 жылдың 8 мамырында америкалық Роберт Прево жаңа Рим Папасы болып сайланғаны белгілі болды. Ол - католик шіркеуінің тарихындағы АҚШ-тан шыққан алғашқы понтифик. Алдыңғы Рим Папасы Франциск 2025 жылы 21 сәуірде қайтыс болды. Ол 88 жаста еді.