People's Daily Online басылымының құқық қорғау органдарына сілтеме жасап жазуынша, іздеудегі күдіктілерді ұстауға көмектесетін ақпарат үшін әрқайсысына 10 мың юань (шамамен 708 мың теңге) көлемінде сыйақы беріледі.
Бұған қоса, билік өкілдері күдіктілердің фотосуреттерін жариялады:
Сурет: Гуанчжоу Тяньхэ ауданының Қоғамдық қауіпсіздік бюросы
Сондай-ақ, бюро 20 мамырда Гуанчжоудағы технологиялық компанияға жасалған соңғы шабуыл туралы ақпарат таратты. Бұл шабуыл "әдеттегі хакерлердің мүмкіндігінен әлдеқайда асып түсетін, кең ауқымды және үйлестірілген киберсоғыс әрекеті" ретінде сипатталды.
Мамыр айында Гуанчжоудағы бір технологиялық компания кибершабуылға ұшырағаны белгілі болды. Құқық қорғау органдары шабуылды Тайваньның Демократиялық прогрессивтік партиясы әкімшілігімен байланысы бар Тайваньның Ақпараттық, байланыс және электрондық күштер командованиесі (ICEFCOM) ұйымдастырғанын анықтады.
Айта кетейік, Қытайдың орталық үкіметі мен Тайвань арасының ресми қарым-қатынастары 1949 жылы, азаматтық соғыста Қытай Коммунистік партиясынан жеңілген Гоминьдан күштері Чан Кайши басқаруымен Тайваньға қашқаннан кейін үзілген болатын. Алайда 1980-жылдардың соңында арада іскерлік және бейресми байланыстар қалпына келтірілді. 1990-жылдардың басынан бастап тараптар байланыстарды бейүкіметтік ұйымдар арқылы жүзеге асыра бастады – Пекин жағынан Тайвань бұғазы арқылы қарым-қатынастарды дамыту қауымдастығы, ал Тайбэй жағынан – Бұғаз арқылы алмасулар қоры.