CNN телеарнасының сюжетінде атап өтілгендей, Керр округінде қаза болғандардың қатарында кем дегенде 28 бала бар. Жалпы қайтыс болғандар саны әлі де өсуі мүмкін, өйткені штат бойынша төтенше жағдай қызметтері іздестіру-құтқару және қалпына келтіру жұмыстарын жалғастырып жатыр.
Жексенбі кешіндегі мәліметке сәйкес, Техастағы су тасқыны салдарынан 50 адам қаза тапқан. Олардың басым бөлігі Керр округінде анықталған. Сондай-ақ, Трэвис округінде – 6, Бернетте – 3, Кендалл мен Уильямсонда – 2 адамнан, ал Том-Грин округінде – 1 адам қаза тапқан.
Билік өкілдерінің мәліметінше, Camp Mystic лагерінен он қыз бала және бір тәлімгер әлі де із-түзсіз жоғалғандар қатарында.
Техас штатының губернаторы Грег Эбботттың айтуынша, күтпеген су тасқындары кейбір аймақтар үшін әлі де қауіп төндіруде. Жаңа жауын-шашын болжануда. Билік Керр округіндегі Хант қауымдастығының тұрғындарын 7 шілдеде биік жерлерге көшуге шақырды.
Бұған дейін Тоқаевтың жағдай бойынша Трампқа көңіл айту жеделхатын жолдағанын жазғанбыз.