Bild газеті куәгерлерге сілтеме жасай отырып, тікұшақ бөлшектері Мульда өзенінен байқалғанын жазады.
Оқиға орнына өрт сөндірушілер, полицейлер, сүңгуірлер аттанды.
"Сейсенбіде Гольцерн мен Требзен арасындағы Гримма маңында тікұшақ апатқа ұшырады", делінген хабарламада.
Тікұшақ бөлшектерін өзен бетінде қайықпен жүрген ескекшілер кезіктірген. Мұның Дрезден – Лейпциг А14 тас жолына жақын маң екені айтылады.
Саксония - елдің шығысында орналасқан Германия құрамындағы федералды өңір.
Бұған дейін Ресейде жолаушылар ұшағы апатқа ұшырағанын жазғанбыз.