Ақпаратты таратушы Ashyq пайдалану қауіпсіз емес екенін айтып отыр. Оның мәліметінше, бағдарлама Сейшель аралдарында тіркелген және қазақстандықтардың жеке дерегін үшінші тұлғаларға жіберіп отырады деген болжам бар.
Бұл ақпаратты «Ұлттық ақпараттық технологиялар» АҚ жоққа шығарды.
Ashyq ақпараттық қауіпсіздіктің барлық бірыңғай талаптарына жауап беретін және Қазақстанда тіркелген «Ұлттық ақпараттық технологиялар» АҚ-мен қорғалған серверлерде орналасқан, деп хабарлады компания.
Сонымен қатар компаниядағылар қосымшаның функционалдығы жеке деректерді сақтау мүмкіндігіне, әсіресе деректерді үшінші тұлғаларға беру мүмкіндігіне жол бермейтінін айтты.
Ashyq бағдарламасы тек азамат мәртебесін көрсетеді. QR кодын сканерлеу кезінде Ashyq автоматты түрде Денсаулық сақтау министрлігінің деректер базасына адамның мәртебесін анықтау үшін сұрау жібереді. QR кодын сканерлеу кезінде одан басқа әрекеттер орындалмайды. Ashyq жеке деректерді сақтамайды әрі жинақтамайды, – деп қорытындылады компания.
