Бұл жаңалықты Facebook, WhatsApp, Instagram желілеріне иелік ететін Meta компаниясының бас директоры әлеуметтік желі арқылы мәлім етті.
Марк Цукерберг желі қолданушыларын Meta Channel-ға қосылуға шақырды, онда ол компания өнімдері туралы жаңалықтар хабарлап тұратынын айтты.
"Біз Instagram арналарын – тарату ауқымы кең чаттар енгізіп жатырмыз. Мен бұл арнаны Meta-да жасайтын барлық өнім мен технологиялар туралы жаңалықтарды бөлісу үшін іске қосып отырмын. Мұнда мен Meta өнімдері туралы жаңалықтарды бірінші болып жариялап отырамын", – деді Марк Цукерберг.
Цукербергтің айтуынша, арналар мәтіндік хабарламаларды, суреттерді, сауалнамаларды, реакцияларды қолдайды және жақын арада арна әкімшілерінің қонақтармен қатар байланысқа шығу функциясы іске қосылады.
"Алдағы айларда біз Messenger мен Facebook-ке де арналар қосамыз". Марк Цукерберг
Ол жаңа мүмкіндік өз арнасын ашқысы келетін адамдар арасында жоғары сұраныста болатынын атап өтті.