ҚР ҰҚК Шекара қызметі шекаралық аймақта, сонымен қатар шекаралық өткізу пункттерінде құқыққа қайшы іс-әрекетке қарсы іс-қимыл бойынша шаралар кешенін іске асыруда.
"Сонымен бірге, қандай да бір шектеулер енгізілмеді, өткізу пункттері, оның ішінде қазақ-қырғыз шекара учаскесі штаттық режимде жұмыс жасауда. Тексеру уақытының регламенттік нормативтері қатаң сақталуда және автокөлік құралдарын өткізу деңгейі қазіргі маусымға тән күнделікті көрсеткіштер аясында". ҚР ҰҚК баспасөз қызметі
Алдында Қаржы министрі Ерұлан Жамаубаев Қазақстан мен Қырғыз Республикасының шекарасында жүк көліктерінің неліктен ұзын-сонар кезегі пайда болғанын түсіндірген болатын. Оның айтуынша, ол арада есірткі заттарын анықтау бойынша операция жүргізілген.
