Казталов ауданы Қарасу ауылдық округіне қарасты Жұлдыз ауылында Совет Одағының батыры Ахмедияр Құсайынов атындағы білім ошағы 1989 жылы салынған. 30 жылдан астам уақыттан бері күрделі жөндеу көрмеген. 2021 жылы басталған құрылыс жұмыстары кешіктіріліп жүргізілгенімен, жұлдыздық оқушылар биылғы жаңа оқу жылын су жаңа мектепте бастамақ. Облыс әкімі осы күнді көп күткен ауыл тұрғындарын айтулы қуанышпен құттықтап, мектеп ұжымына теледидар тарту етті.
Сурет: БҚО білім басқармасының баспасөз қызметі
Сурет: БҚО білім басқармасының баспасөз қызметі
Сонымен бірге аталмыш мектепті 1984 жылы бітірген түлектер мектеп оқушыларына спорттық киімдер мен құралдар тарту етті. Тек аудан-облысқа ғана емес, республикаға белгілі "Қыз Жібек" жас термешілер ансамблі өнер көрсетіп, көпшіліктің көңілінен шықты.
Сурет: БҚО білім басқармасының баспасөз қызметі
Жарқырап тұрған жаңа мектепті аралап көрген облыс басшысы құрылыс жұмыстарын жүргізген "Альтаир" ЖШС ұжымына алғысын білдірді.
Сурет: БҚО білім басқармасының баспасөз қызметі