Бұл туралы Оңтүстік Кореяның Business Post агенттігі компания өкіліне сілтеме жасап хабарлады.
Бұған дейін "Коммерсантъ" газеті тұрмыстық техника нарығындағы дереккөздерге сілтеме жасай отырып, LG басшылығы зауытты Ресейден Өзбекстанға немесе Қазақстанға көшіру мүмкіндігін талқылап жатқанын жазған.
LG Electronics Ресейдегі зауытын Өзбекстанға немесе Қазақстанға көшіру мүмкіндігін қарастырып жатқан жоқ. Ресейлік бұқаралық ақпарат құралдары таратқан ақпарат негізсіз, - деді Оңтүстік Корея компаниясының баспасөз қызметі.
Оңтүстік Корея корпорациясының ресейлік кәсіпорынында теледидар, кір жуатын машина және тоңазытқыш сынды тұрмыстық техникалар құрастырылып шығады.
