Ведомство өкілдерінің айтуынша, мұндай артықшылықтарға шикізат экспортынан түскен валюталық түсімнің кемінде жартысын ұлттық валютаға айырбастаған экспорттаушылар ие болады.
Осы мақсатта салық кезеңі ішінде шикізат экспортынан түскен валюталық түсімнің кемінде 50 пайызын айырбастауды жүзеге асыратын кәсіпкерлік субъектілерінің тізбесін бекіту туралы Қазақстан Республикасының үкіметі қаулысының жобасы әзірленіп жатыр.
Салық кодексінің 434-бабына салық кезеңінде шикізат экспортынан түскен валюталық түсімнің кемінде 50 пайызын айырбастауды жүзеге асырған кәсіпкерлік субъектілері үшін қосылған құн салығының асып кету сомасын қайтарудың оңайлатылған тәртібін белгілейтін түзету енгізілген. Бұл ретте, экспорттаушылар Салық кодексінің 429-бабы 2-тармағының талаптарына сәйкес келсе, қосылған құн салығынан қалыптасқан асып кету сомасының 80 пайызынан аспайтын мөлшерін салықтық тексерусіз 15 жұмыс күні ішінде қайтара алады. ҚР ҚМ мемлекеттік кірістер комитеті
Комитеттегілер жобаны іске асыру республикалық бюджеттен қаражат бөлуді талап етпейтінін айтып отыр.