Нұр-Сұлтан уақытымен сағат 12:02-дегі жағдай бойынша Brent маркалы мұнайдың қазан айындағы фьючерстерінің бағасы барреліне 97,05 долларға дейін, WTI қыркүйектегі фьючерстері 1,13 пайызға, 91,05 долларға дейін арзандады, – делінген 1prime.ru хабарламасында.
Қытайдан алынған статистика мұнай бағамына кері әсерін тигізуде – шілдеде ірі өнеркәсіптік кәсіпорындардың өнім көлемі жылдық мәнде 3,8%-ға өсті. Ал сарапшылар «4,6% өседі» деп болжаған еді. Мұндай статистика «аурушаңдық нөл» саясатына байланысты коронавирустық шектеулер ескеріліп, шығарылған.
Нарықтар қара алтын ұсынысының да ұлғаюын көрсететін факторларды ескеруде. Инвесторлар АҚШ пен Иран арасындағы Ираннан мұнай жеткізуді қайта қалпына келтіруге қатысты келіссөздерді бақылап отыр.