Компания атап өткендей, Airbus A321 LR әуе ұшағы аптасына 5 рейс орындап, келесі кестеге сәйкес 29 қарашадан бастап күнделікті рейстерге көшеді (жергілікті уақыт бойынша):
Алматы – Бангкок КС 931 рейсі: сағат 01:10-да ұшып шығады, сағат 08:55-те ұшып келеді.
Бангкок — Алматы КС 932 рейсі: сағат 10:05-те ұшып шығады, сағат 16:35-те ұшып келеді.
Эконом-кластағы алымдарды ескерсек, екі жаққа да қатынау билеттерінің құны 263 674 теңгеден басталады.
Айта кетсек, 2020 жылдың наурызынан бастап пандемияға байланысты аталған рейстер тоқтатылды.
1 қазаннан бастап тай билігі шетелдік туристерге қатысты барлық COVID шектеулерін алып тастады.
Қазақстан азаматтары үшін виза әуежайға келіп түскеннен кейін 30 күн мерзімге беріледі (виза құны - 2000 бат).
