Қазақстанда тұрғын үй айтарлықтай қымбаттады

Ұлттық статистика бюросының 10 сәуір күні таратқан ақпаратына сүйенсек, бір жылда пәтерлерді қайта сату бағалары – 7,3%, жаңа тұрғын үйлерді сату 9,3% өсті, деп хабарлайды Zakon.kz.

Абаттандырылған тұрғын үйді жалға алу төлемі өткен жылғы тиісті аймен салыстырғанда 2023 жылғы наурызда 29,3% артты.

Өңірлер бойынша қарастырар болсақ, алғашқы нарықта жылдық мәнде:

• Ақтөбе қаласында – 25,4%;
• Ақтау қаласында 24,3% қымбаттады.

Қайталама нарықта баға өсімінің көшбасшылары:

• Қызылорда қаласы (37,8%);
• Ақтау қаласы (32,6%);
• Семей қаласы (31,6%);
• Қостанай қаласы (29,2%);
• Өскемен қаласы (24,7%).

Ал тұрғын үйді жалға алу нарығында:

• Көкшетау қаласы (51,1%);
• Петропавл қаласы (48%);
• Алматы қаласы (45,4%);
• Қостанай қаласы (45%).

Бір айдың ішінде (2023 жылғы наурыз 2023 жылғы ақпанға) жаңа тұрғын үйді сату бағалары – 1,2% өсті, ал пәтерлерді қайта сату 0,7% төмендеді.

Абаттандырылған тұрғын үйді жалға алу төлемі алдыңғы аймен салыстырғанда өзгеріссіз қалды.