Өңір әкімі Ермағанбет Бөлекпаев брифинг барысында "АрселорМиттал Теміртау" компаниясына қарасты 8 шахтаның бүгіндері төртеуі жұмыс істеп тұрғанын айтты.
"Барлық сегіз шахта жұмыс істейтін болады. Бүгінгі таңда 4 шахта толықтай жұмыс істеп тұр, қалғандарында әртүрлі себептерге байланысты дайындық жұмыстары жүргізіліп жатыр. Өздеріңіз білетіндей, Қазақстан шахтасында әлі күнге дейін жұмыс жүріп жатыр", - деді ол.
Костенко атындағы шахта қайғылы оқиғаға байланысты қолға алынған тергеу шаралары аяқталғаннан кейін ашылады. Мамандардың айтуынша, шахтаның жұмысын қалпына келтіру үшін тағы 2-2,5 ай қажет.
Сондай-ақ, әкімнің айтуынша, АМТ шахталарын жаппайды.
Сондай-ақ, әкім жаңа инвесторға шахтадағы қауіпсіздікті қамтамасыз етуге қомақты қаражат салу шарты алға тартылатынын атап өтті.
"Бұл мемлекет тарапынан қойылатын талаптардың бірі болады", - деп сөзін қорытындылады өңір басшысы.