ҚР Энергетика министрлігінің мәліметінше, ҚР Атом энергиясы агенттігінде халықаралық сарапшылардың қатысуымен іріктеу жүргізілді.
Әлеуетті вендорлардың соңғы тізіміне мыналар кірді:
- "Росатом "(Ресей);
- "Қытай Ұлттық Ядролық Корпорациясы" (Қытай);
- "Électricité de France" (Франция);
- "Korea Hydro & Nuclear Power" (Оңтүстік Корея).
"Барлық қатысушылар өздерінің егжей-тегжейлі ұсыныстарын өткізді, оның ішінде болжамды баға, мерзімдері, қаржылық моделі, оқшаулау деңгейі және қызметкерлерді даярлау шаралары да қамтылған", делінген ресми хабарламада.
Assystem компаниясы және "Қазақстандық атом электр станциялары" ЖШС-мен бірлесіп әзірленген кешенді бағалау негізінде "Росатом" жеңімпаз ретінде танылды. Екінші орынды қытайлық компания, үшінші орынды француз және корей компаниялары иеленді.
Қазір Қазақстан мен "Росатом" Ресей тарапынан экспорттық қаржыландыруды тарту мүмкіндігін талқылауда.
ҚР Атом энергиясы агенттігі Қазақстандағы алғашқы атом электр станциясын салу бойынша тиімді халықаралық консорциумды қалыптастыру бойынша шетелдік әріптестерімен түзілген жұмысты ары қарай жалғастырады.
2025 жылдың қаңтарында Энергетика министрі Алмасадам Сәтқалиев Қазақстанда АЭС-тің жобалау жұмысына қанша уақыт кететінін айтқан болатын. 2025 жылдың ақпанында министрлік алғашқы АЭС үшін реакторлық технологияның негізгі әлеуетті жеткізушілерін атады.