Оның айтуынша, қазіргі кезеңде әлемдік экономикадағы дүдамал жағдай мен турбуленттіліктің артуына қарамастан, Қазақстан үшін неғұрлым теңгерімді, орнықты және инклюзивті әлеуметтік-экономикалық дамуға қол жеткізу мақсатында экономикалық трансформация мәселесі әлі де өзектілік танытуда.
Экономикалық даму кезеңдері:
- 1990-1996 жылдар – өтпелі ауыр кезең және нарықтық экономика негіздерін қалыптастыру: теңгені айналымға енгізу, жекешелендіру, банк және салық жүйелерін құру.
- 1997-2007 жылдары - мұнай өндіру және инвестициялар есебінен өсу, ірі жобаларды іске қосу (Теңіз, Қарашығанақ, Қашаған), Ұлттық қорды құру.
- 2008-2014 жылдары - дағдарыстар және қалпына келу кезеңдері, Кеден одағына ену, инфрақұрылымды дамыту.
- 2015-2019 жылдар - диверсификация, мемлекеттік басқару реформасы, ДСҰ мен ЕАЭО-ға кіру.
- 2020-2022 - пандемия, дағдарысқа қарсы шаралар, экономиканы қалпына келтіру.
- 2023-2025 жылдар - ЖІӨ өсімі үш жыл қатарынан 5%-дан асып отырды, Бюджет кодексін жаңғырту, "жасыл" және өнеркәсіптік өсімге басымдық беру.
Нәтижелер мен жетістіктер:
- Қазақстанның ЖІӨ көрсеткіші 2025 жылы 310 млрд доллардан асып, Орталық Азия экономикасының шамамен 60%-ын қамтиды.
- Жан басына шаққандағы ЖІӨ көлемі 1 570 доллардан (1990) 14 000 долларға дейін (2024) өсті.
- Адами капиталдың даму индексі 1990 жылдан бері 21,5%-ға өсті.
- Өңдеу өнеркәсібінің үлесі алғаш рет ЖІӨ-ге шаққандағы өндіруші сектордың үлесінен асып түсті.
- Шағын және орта бизнес ЖІӨ-нің шамамен 40% құрайды (10 жыл бұрын бұл көрсеткіш 25% болған).
Бүгіндері Қазақстан - табысы орта деңгейден жоғары ел, ал IMD-2024 рейтингісінде бәсекеге қабілеттілік бойынша әлемде 34-ші орынға ие. Жастардың жұмыспен қамтылуы, ЖІӨ өсімінің қарқыны және өнеркәсіптік электр энергиясының қолжетімділігі бойынша көшбасшы позицияларда болып табылады.
"Алдағы онжылдықтың басты міндеті - шикізат кірістерін тұрақты өнеркәсіптік және сервистік экономикаға айналдыру", - дейді Азамат Нұрсейітов.
Бұған дейін Ұлттық қордың қаражатын жоғары технологиялық экономикаға инвестициялау жоспарланып отырғаны хабарланған.