Бұл туралы ҚР Оқу-ағарту министрі Ғани Бейсембаев Facebook-тегі парақшасында жазды.
Абай мектептері үшін "Қазақ тілі", "Қазақ әдебиеті" және "Абайтану" пәндері бойынша тереңдетілген оқу бағдарламасы бекітілген.
Алматыдағы Абай атындағы республикалық мамандандырылған дарынды балаларға арналған мектеп-интернаты осы мектептердің орталық базасы болып белгіленіп, оқу-әдістемелік кешен даярлау, тәжірибе тарату жұмыстарын жүзеге асыруда.
"...Бұл мектептер ұлттық руханият пен ана тіліміздің жандануының символына, оқушыларға гуманитарлық білім берудің негізіне айналады деп ойлаймын. Баршаңызды руханият мерекесі - Абай күнімен құттықтаймын!", деп жазды министр өз жазбасында.
