Қырғызстан Ұлттық банкі долларды ақшалай шетелге алып шығуға уақытша тыйым салды.
Уақытша шектеулер Қырғызстанның коммерциялық банктеріне, ақша айырбастау бюроларына, микроқаржы және микрокредиттік компанияларға қатысты.
Орталық банк экономикалық қауіпсіздікті қамтамасыз ету және валюта нарығындағы жағдайды тұрақтандыру үшін осындай шаралар қабылданғанын атап өтті.
Долларды қолма-қол ақшалай сыртқа алып шығуға салынған тыйым 11 наурызда Нұр-Сұлтан уақыты бойынша сағат 17:30-дан бастап күшіне енді.
