Қазір Олимп букмекерлік компанияның лауазымды тұлғаларына қатысты қылмыстық іс аясында тәркіленген 5,5 миллион доллар мен 200 мың еуроны Ұлттық банкке аудару рәсімі жүріп жатыр, – деп түсіндірді комиссия.
Сонымен қатар Қапшағай қалалық сотының 6 маусымдағы 95 млрд теңге залал келтірген осы букмекерлік кеңсе басшысын колония-қонысқа ауыстыру (қамауда ұстау жағдайларын жеңілдету) туралы шешімінің күшін жою туралы жеке өтінішхат берілді.
Қазірдің өзінде бұл іс бойынша мемлекет пайдасына 3,6 млрд теңгеге жуық қаражат (4 ұшақ, 5 жер телімі, 15 автокөлік, Алматыдағы 30 жылжымайтын мүлік нысаны (тұрғын және тұрғын емес үй-жайлар және тағы басқа) тәркіленді.ҚР Бас прокуратурасының баспасөз қызметі
