Еңбек және халықты әлеуметтік қорғау министрлігінің хабарлауынша, жұмысынан айырылған кездегі әлеуметтік төлемдерді есептеу үшін қолданылатын табысты ауыстыру нормасы 40%-дан 45%-ға дейін ұлғайтылды.
Биыл 117 мыңға жуық азамат бұл әлеуметтік төлемді ұлғайтылған сомада алады деп жоспарланып отыр. Орташа өсім - 13%.
Сонымен қатар бала күтімі бойынша әлеуметтік төлемдердің мерзімі 1 жылдан 1,5 жылға дейін ұлғайтылды. Биыл мұндай төлемді 500 мыңнан астам ата-ана алады.
"Сонымен қатар негізгі мемлекеттік жәрдемақыларға қосымша тағайындалатын әлеуметтік төлемдердің мөлшері еңбекке қабілеттілігін жоғалтқан 78 мың адамға және асыраушысынан айырылған 55 мың отбасына 8,5% ұлғайтылды", - делінген Еңбек министрлігі хабарламасында.