"Қазақстан Республикасы азаматтарының төлем қабілеттілігін қалпына келтіру және банкроттық туралы" заң биыл наурыз айынан бастап қолданысқа енеді", - делінген үкімет хабарламасында.
Бұл құжат кредитін төлей алмай, қиындыққа тап болған жеке тұлғалардың құқығын қорғауға бағытталған.
Заңда рәсімдердің үш түрі қарастырылған:
- соттан тыс банкроттық
- сот арқылы банкроттық
- қабілеттілігін қалпына келтіру
Мұндай рәсімдерге қарыз алушының өзі ғана бастамашы бола алады. Сонымен қатар азаматтардың міндетті түрде қаржы сауатын арттыру курстарынан өтуі көзделіп отыр. Осы шаралардың барлығы банкроттық рәсімінен кейін азаматтың төлем қабілетін қалпына келтіруге және борыштық жүктемені азайтуға мүмкіндік береді.
"Заң күшіне енгеннен кейін азаматтардың да жауапкершілігі артады. Алдағы уақытта жылдам қарыз алу үшін кредиттік тарихының дұрыс болуына азаматтардың өзі мүдделі болуға тиіс. Банкрот деп мойындау қарыздарды төлемей кету емес, тек шарасыз жағдайдағы көмек екенін әркім білуі керек", — деп қорытындылады премьер-министр.