Қайрат Миятов 3 наурызда жеке тұлғалардың банкроттық рәсіміне өтініш қабылдау басталатынын атап өтті.
"Заңда мерзім жоқ, яғни біз 3 наурыздан бастап, жыл соңына дейін шартты түрде, бірақ мерзімсіз қабылдаймыз. Бұл бір реттік әрекет емес. Сондықтан біз қазақстандықтарды жарияланған шешімді дүр сілкіндірмей қабылдауға шақырамыз".Қайрат Миятов
Ол заңда банкроттық рәсімдерінің үш түрі – сот, соттан тыс банкроттық және төлем қабілеттігін қалпына келтіру қарастырылғанын еске салды.
"Бүгінде Қаржы министрлігі және басқа да мемлекеттік органдар 3 наурыздан бастап өтініштерді қабылдау тәртібін толығымен дайындады. Жеке тұлғаларды банкроттықты жүзеге асыру мерзімі шетелдік автокөліктерді немесе капиталды заңдастырумен салыстырғанда шектелмейтінін атап өткім келеді. Заңда мерзімге қандай да бір шектеулер жоқ. Сондықтан мұндай шешім қабылданса, ол теңгерімді болуы керек.Қайрат Миятов
Оның айтуынша, бүгінде тиісті ақпараттық жүйе әзірленген. Өтініштердің басым бөлігі сол арқылы, яғни онлайн қабылданады деп жоспарланып отыр.
Сонымен қатар ол азаматтардың өтініштері қалай қабылданатынын айтты.
«E-Salyq Azamat» бар, E-gov бар, сонымен қатар ХҚО арқылы өтініштер қабылданып, мүдделі органдарға тексеруге жіберіледі. Басқа тараптардан өтініш берушінің критерийлерге сәйкес келетіні туралы ақпарат алғаннан кейін, Сіздің өтінішіңіздің қабылданғаны туралы 1414 нөміріне хабарлама жіберіледі және сіз банкрот деп есептелесіз. Бұл өтініш берген күннен бастап 14 күн ішінде жасалады."Қайрат Миятов
Спикер бұл әрекет қарызды есептен шығару немесе рақымшылық жасау емес екенін тағы да еске салды. Қайрат Миятов «банкрот» мәртебесін алғаннан кейін бірқатар шектеулер қойылғанын еске салды. Соның ішінде мұндай азаматтар бес жыл бойы несие ала алмайды, олар жеті жылдан кейін ғана банкроттық рәсімінен қайта өте алады, үш жыл бойына қаржылық мониторинг жүргізіледі.
