Еңбек және халықты әлеуметтік қорғау министрлігінің мәліметінше, биыл 1 наурыздағы жағдай бойынша мемлекеттік еңбек инспекторлары республиканың 175 кәсіпорнында 10 мың жұмысшыға 1,7 млрд теңгеден астам сома жалақы бойынша берешегі барын анықтаған.
"Осы кәсіпорындардың басшыларына орындалуы міндетті 189 нұсқама беріліп, 24,6 млн теңгеден астам сома көлемінде айыппұл салынды", - делінген министрлік хабарламасында.
Қабылданған шаралар, соның ішінде жалақы бойынша берешекті өтеудің қатаң кестесі мен мерзімін белгілеу нәтижесінде 7,9 мың жұмыскердің құқығы қорғалды. Оларға барлығы 1,3 млрд теңге төленді.
