2022 жылдың қорытындысы бойынша Қазақстанға тікелей шетелдік инвестициялардың жалпы ағыны 28 млрд АҚШ доллар болды. Бұл 2021 жылдан 17,7%-ға артық (23,8 млрд доллар).
"Бұл көрсеткіш кейінгі 10 жылда рекордтық сандарға жетті (2012 жылы – 28,9 млрд доллар)", - делінген Сыртқы істер министрлігінің хабарламасында.
ҚР Сыртқы істер министрлігі президент Қасым-Жомарт Тоқаевтың алдағы 7 жылда кемінде 150 млрд АҚШ доллары көлемінде шетелдік инвестицияларды тарту жөніндегі тапсырмасын орындау бойынша жұмысты жалғастырып жатыр.