Қазақстан Республикасы Әділет министрлігінің Jusan Bank-ті бақылауды Қазақстан Республикасының юрисдикциясына қайтару туралы мәлімдемесіне байланысты мынаны мәлімдеді:
"Банкті бақылауды Қазақстан Республикасының юрисдикциясына қайтару банктің одан әрі дамуына және оның стратегиялық міндеттерін табысты іске асыруға оң әсер етеді. Бүгінгі күні банк банктік қызметтер нарығындағы негізгі орнын сақтап отыр, меншікті капитал мөлшері бойынша ең ірі банктердің үштігіне және банк секторындағы активтер бойынша 6 жетекші банк қатарына кіреді".ҚР ҚНРДА баспасөз қызметі
Агенттік келтірген мәліметке сүйенсек, өтімді активтердің үлесі банктің барлық активтерінің (2,6 трлн теңге) 46%-ына немесе 1,2 трлн теңгеге тең, бұл банкке өз міндеттемелерін уақтылы және толық көлемде орындауға мүмкіндік береді.
"Жеке және заңды тұлғалардың салымдары 2023 жылғы 1 маусымдағы жағдай бойынша 1,3 трлн теңгені құрады. Бұл ретте жеке тұлғалардың салымдарын өтімді активтермен өтеу – 194%".ҚР ҚНРДА баспасөз қызметі
Бұдан басқа, банк ықтимал кредиттік шығындарды игеру үшін резервтердің жоғары деңгейін қалыптастырды.
Банктің резервтері 296 млрд теңгеге тең, NPL қарыздарын өтеу 81%-дан асады.
"Банк реттеушінің барлық белгіленген пруденциялық нормативтерін айтарлықтай қормен орындауда".ҚР ҚНРДА баспасөз қызметі
2021 жылы жоспарланған іс-қимылдардың нәтижесінде Jusan Bank және телекоммуникация, ауыл шаруашылығы және өзге де салалардың бірқатар басқа да ірі активтерін қамтитын Jusan тобы шетелдік юрисдикцияға шығарылды. Іс жүзінде Қазақстан Үкіметі топты бақылай алмай қалды.
2023 жылғы 23 маусымда ҚР Әділет министрлігі басқа мемлекеттік органдармен бірлесіп қабылдаған шаралардың нәтижесінде Jusan тобын қазақстандық юрисдикцияға қайтаруға қол жеткенін хабарлады. Қажет құжаттарға қол қойылды. Қазақстан заңнамасына сәйкес, топ Үкіметтің және басқа да мемлекеттік құрылымдардың бақылауымен жұмыс істейтін болады. Jusan Bank қазақстандық білім беру ұйымдарын қаржыландыруды жалғастыру бойынша міндеттемелерді өзіне алды
