Ержан Біржановтың айтуынша, құжат бойынша жұмыс қарқынды. Жұмыс тобы құрылды, оның құрамына бизнес өкілдері кіреді. Қосымша құн салығын әкімшілендіру, салықтық тексерулер, бейнебақылау, тіркеу, салықтарды мәжбүрлеп алу мәселелері өте қызу талқыланып жатыр.
"Біз салық нысанын толтыру кезінде ұсынудан, салықтарды төлеуді жеңілдетуден, салықтар мен салық нысандарының санын азайтудан тұратын жаңа тәсілдерді ұсынамыз. Сонымен қатар есептерді толтыру кезінде форматты және логистикалы бақылау қызметін көрсетеміз. Қазір де "Салық төлеушінің міндеттемесі, банк шоттары бойынша шектеулер болған кезде кабинеттік бақылау туралы хабарламалар бар. Егер салық төлеушіге толтыру кезеңінде көмектессек, онда оны болашақта қудаламаймыз. Салық төлеуші тіркеу есебіне тұрған сәттен бастап фискалдық қолдау принципі жүзеге асады".Ержан Біржанов
Қаржы министрлігі салық төлеуді жеңілдету үшін банк жүйелерімен белсенді интеграциялануды жоспарлап отыр.
"Біздің басты мақсатымыз - салықты бір рет басу арқылы төлеу. Біз салық төлеушіге салықты толтырамыз, оның дұрыстығын растаймыз және төлемді онлайн режимінде жасаймыз. Болашақта салықты бір рет басу арқылы төлеу әдебі болғанын қалаймыз".Ержан Біржанов
2023 жылдың тоғыз айында мемлекеттік бюджетке түскен салық түсімдерінің көлемі 13 триллион теңгеден асты. Былтырғы сәйкес кезеңмен салыстырғанда 24,9% немесе 2 трлн теңгеден астам өсті. Оның ішінде:
- республикалық бюджетке – 23,0% (1,6 трлн. теңгеден астам) өсіммен 8 трлн теңгеден астам;
- жергілікті бюджеттерге – 28,9% (988,4 млрд теңгеден астам) өсіммен 4 трлн теңгеден астам.
Мемлекет басшысы 2023 жылғы 1 қыркүйектегі Қазақстан халқына Жолдауында салықтық бақылауды толық цифрландыруды жүзеге асыру және фискалдық органдар мен салық төлеушілер арасындағы өзара іс-қимылдың сервистік моделіне көшуді қамтамасыз ету міндетін қойды.
