Әдістеменің мақсаты – алдағы 3 жылдағы ең төменгі айлық жалақыны анықтау. Ең төменгі айлық жалақыны есептеу үшін өткен жылдағы нақты орташа жалақы мен еңбек өнімділігі туралы статистикалық деректерді пайдалану ұсынылады.
Бұл ретте мыналар анықталды:
- медианалық жалақы – есептелген жалақы мөлшері бойынша қызметкерлер санын бөлу орталығында орналасқан және оны екі тең бөлікке бөлетін – орташадан төмен және жоғары жалақысы бар жалақы мөлшері;
- еңбек өнімі – өндіріс көлемі мен еңбек шығынының арақатынасын білдіретін, пайдаланылған ресурстар бірлігіне өндірілген өнімді сипаттайтын өндіріс тиімділігінің көрсеткіші.
Орташа жалақы мен еңбек өнімділігінің салмағы мен үлесін анықтау үшін 3 кезеңнен тұратын талдау жүргізіледі:
- ең төменгі жалақының мөлшерін есептеу үшін маңызды жеке экономикалық, еңбек және әлеуметтік көрсеткіштердің тенденцияларын талдау;
- жеке экономикалық, еңбек және әлеуметтік түпкілікті нәтижелерге ең төменгі жалақының өзгеруінің салдарын модельдеу;
- қазіргі ең төменгі жалақының салдарын бағалау.
Өткен жылдағы орташа жалақы мен еңбек өнімділігі Ұлттық статистика басқармасының деректері негізінде анықталады. Ең төменгі жалақыны есептейтін формула да әзірленді. Құжат 19 қаңтарға дейін қоғамдық талқылау үшін "Ашық НҚА" сайтына жарияланған.
Бұған дейін Еңбек және халықты әлеуметтік қорғау министрі Светлана Жақыпова ведомство 2024 жылы орташа жалақы мен еңбек өнімділігі көрсеткіштері негізінде ең төменгі жалақыны есептеу әдісін әзірлейтінін мәлімдеген еді. Ол 2024 жылы мемлекет басшысының тапсырмасы бойынша ең төменгі жалақы 85 мың теңгеге дейін көтерілетінін еске салды.