Primeminister.kz сайтына 15 қаңтар күні жарияланған сұхбатында Қаржы министрі Қазақстанда төлем түрлерінің тізімі берілген "Төлемдер және төлем жүйелері туралы" арнайы заң бар екенін еске салды. Онда мынадай төлемдер қарастырылған:
- Қолма қол
- Қолма-қол ақшасыз.
"Қолма-қол ақшасыз есеп айырысу кезінде банк карталары немесе QR кодтары қолданылады. Осыған байланысты кәсіпкерлер төлемді тек қолма-қол ақшамен талап етсе, сатып алушылардың құқығы бұзылады. Сондықтан мұндай талаптар заңсыз деп танылады".Ерұлан Жамаубаев
Оның айтуынша, кәсіпкер қолма-қол ақшасыз төлем жасағанда тауардың құнын шарықтатып жіберсе, бұл да заңға қайшы. Өйткені тауардың құны қолма-қол ақшасыз төлеу кезінде де, қолма-қол төлеу кезінде де бірдей болуы керек.
"Осындай жағдай болса, оған арнайы байланыс орталығы бар. 1414 нөміріне хабарласуларыңызға болады. Соған қарай біз тиісті шараларды қабылдаймыз", - деп қосты Ерұлан Жамаубаев.