Елордалық соттың баспасөз қызметінің хабарлауынша, апелляциялық шағымдарда сотталған мен оның адвокаты ақтауды, жәбірленуші мен мүдделі тұлға үкімді өзгертуді сұрады.
"Сотталғанның кінәсі жәбірленушілердің, куәлардың айғақтарымен, маманның, сараптаманың және аудитордың қорытындылармен дәлелденгендіктен үкім өзгеріссіз қалдырылып, заңды күшіне енді", делінген сот хабарламасында.
Айат кетсек, 2024 жылы 19 шілдеде Астана қаласының қылмыстық істер жөніндегі ауданаралық соты Нұрлан Тілеубаевты аса ірі көлемде алаяқтық жасады деп танып, үкім шығарды. Неғұрлым қатаң жазамен сіңіру жолымен қылмыстық құқық бұзушылықтардың жиынтығы бойынша оған 10 жыл мерзімге бас бостандығынан айыру түріндегі жаза тағайындалды.
ҚР Қаржылық мониторинг агенттігі 2012-2017 жылдар аралығында Нұрлан Тілеубаев көрінеу қайтарымсыз несиелер беру арқылы "Delta Bank" АҚ-тан ірі көлемде ақшалай қаражат шығарып алғаны анықталды. Тергеу барысында Тілеубаев пен оның туыстарына тиесілі мүліктік активтер мен объектілерін бұғаттауға санкция берілді.
Тілеубаев пен оның компанияларының заңсыз қызметі кесірінен "Қазинвестбанк" АҚ, "Қазақстанның Даму Банкі" АҚ және "БЖЗҚ" АҚ зардап шекті.
