Сауда қорытындысы бойынша доллардың сараланған орташа бағамы 511,26 теңге болды, яғни бірден 5,53 теңгеге көтерілді.
Ресей рубліне сауда Ресейдегі мереке күндеріне байланысты жүргізілмеді.
Қытай юанінің бағамы таңғы саудада 73,17 теңге (+1,05) болды.
Валютаны айырбастау орындарында:
- Долларды сатып алу/сату – 513,4–516,5 теңге;
- Евро – 596,3–603,2 теңге;
- Рубль – 6,16–6,37 теңге.
Сондай-ақ, әлемдік мұнай бағалары 5 қаңтардағы саудада төмендеді.
Лондондағы ICE (InterContinental Exchange) биржасында Brent маркалы мұнай баррелінің бағасы 0,36 долларға төмендеп, 60,39 долларға жетті.
Нью-Йорк NYMEX (New York Mercantile Exchange) биржасында Light маркалы мұнай баррелінің бағасы 0,43 долларға арзандап, 56,89 долларға түсті.
Таңертең Ұлттық банк долларды – 505,53 теңге, евроны – 593,44 теңге, рубльді – 6,34 теңге деңгейінде белгіледі.