Қазақстанның төрт облысында тұман түсіп, көктайғақ болады, сондай-ақ қар аралас жаңбыр жауады деп күтіледі, деп хабарлайды Zakon.kz.
14 желтоқсанда Батыс Қазақстан облысының солтүстігінде және Орал қаласында тұман түседі.
Қызылорда облысының орталығында тұман түседі, түнде облыстың оңтүстігінде көктайғақ болады. Қызылорда қаласында тұман түседі.
14 желтоқсанда түнде Түркістан облысының тауларында қатты жауын-шашын (қар аралас жаңбыр) болады деп болжанады. Облыстың солтүстігінде, батысында, таулы аудандарында, тау бөктерінде тұман түсіп, көктайғақ болады деп күтіледі.
14 желтоқсанда Алматы облысының солтүстігі мен шығысында тұман түседі. Солтүстік-шығыстан жел соғады, облыстың солтүстік-шығысында соққан желдің екпіні 15-20 м/с жетеді.
Талдықорған қаласында түнде және таңертең тұман түседі деп күтіледі.
Сондай-ақ 14 желтоқсанда Шымкент және Түркістан қалаларында тұман түседі деп күтіледі.