Қолынан өнер тамған сотталушы ел Тәуелсіздігінің 30 жылдығына домбыра мен ұлттық ыдыс-аяқ жасап, оны жергілікті мұражайға сыйға жолдады. Шығыс Қазақстан облысы бойынша ҚАЖД баспасөз қызметі
Сотталушы жасаған бұйымдарына "Тәуелсіздікке 30 жыл" деп ойып жазған.
Домбыра – қазақтың ұлттық аспабы, астау – ұлттық ыдыс. Сондықтан Тәуелсіздік күніне орай ұлттық ағаш бұйымдарын жасауды жөн көрдім. Мен мұндай заттарды бала кезімнен жасап үйренгенмін. Бұл бұйымдар бір күнде жасалды. Ұлттық аспаптар мен ыдыс-аяқтар біздің дәстүріміз, сондықтан қазіргі ұрпақ оны сақтауы тиіс деп санаймын. Сотталушы
ШҚО колонияларындағы бас бостандығынан айыру орындарында жұмыс істейтін сотталғандардың 70 пайызға жуығы жұмыспен қамтылған. Бұл оларға талап-арыздары бойынша қарыздарын өтеуге және өздерінің қажеттіліктеріне жұмсауға септігін тигізеді.