Еліміздің шығыс және солтүстік өңірлерінде жүріп жатқан суық антициклонның беті қайта қойған жоқ, осы себепті бұл аймақтарда жауын-шашынсыз ауа райы сақталады. Батыс Қазақстан облысында, солтүстік-батыста және оңтүстік өңірлерде атмосфералық фронттардың өтуіне байланысты тұрақсыз ауа райы күтіледі, жауын-шашын түсіп, көктайғақ болады және қатты жел тұрады деп күтіледі. Республика бойынша кей жерлерде тұман түсуі ықтимал. "Қазгидромет" РМК
Батыс Қазақстан облысының солтүстік-батысында, батысында, оңтүстігінде және орталығында тұман түседі, көктайғақ болады, күндіз Батыс Қазақстан облысының солтүстік-шығысында қатты жел тұрады, екпіні 15-20 м/с жетеді.
Алматы облысының солтүстігінде және таулы аудандарында тұман түседі деп күтіледі, Алакөлден соққан желдің екпіні 18-23, кей тұста 29 м/с құрайды.
Күндіз Ақтөбе облысының солтүстік-батысында 18 м/с жылдамдықпен жел соғады, облыстың шығысында тұман түседі.
Жамбыл облысының солтүстігінде, таулы аймақтарында тұман түседі, облыстың оңтүстік-батысында, солтүстік-шығысында және таулы аудандарда соққан желдің екіпіні 15-20 м/с-ға жетеді.
Шығыс Қазақстан облысының батысында жел 15-20 м/с жылдамдықпен күшейеді.
Қостанай облысының солтүстігінде, солтүстік-батысында боран соғып, Маңғыстау облысының солтүстігінде көктайғақ болады, Қызылорда облысының орталығында түнде және таңертең, Түркістан облысының таулы аймақтарында тұман түседі деп күтіледі.