Ведомствоның хабарлауынша, 19 қаңтарда қалада антитеррорлық операция жүргізіледі.
Мына көшелерде көлік қозғалысы уақытша тоқтайды:
Абылай хан даңғылы Мақатаев көшесінен бастап, Бөгенбай батырға дейін жабылды.
Төле би даңғылы Желтоқсан көшесінен Назарбаев даңғылына дейін жабылды.
Азаматтардан уақытша шараларға түсіністікпен қарауды, қозғалыс бағытын алдын ала реттеп, жол қозғалысы ережелерін қатаң сақтауды сұраймыз.Алматы Полиция департаментінің баспасөз қызметі
19 қаңтар күні сағат 00.00-ден бастап Алматыда төтенше жағдай режимі және коменданттық сағат аяқталғанын еске саламыз. Дегенмен қала террористік қауіптің қызыл деңгейінде қалып отыр.
