ШҚО полиция департаментінің мәлімдеуінше, бұл тізімде қала, ауылдық округ әкімдері, ТҮКШ бөлімдерінің басшылары мен мамандары, квазимемлекеттік сектор өкілдері, мердігерлік ұйымдардың заңды тұлғалары бар.
Полиция департаменті жергілікті атқарушы органдармен бірлесе отырып, өңірдегі жол апаттарын азайту мен алдын алуға, жолдарды қайта жаңартуға бағытталған кешенді іс-шаралар жүргізіп жатқанын мәлімдеді.
Ішкі істер органдарының басты міндеті жол-көлік оқиғаларының деңгейін төмендету, жолдардың қауіпті учаскелерінде жүргізушілердің назарын және шоғырлануын арттыру болып табылады. Осы мақсатта, ағымдағы жылы Полиция департаментінің ұсыныстары бойынша Өскемен және Семей қалаларында 6 бағдаршам объектісін орнату және жаңғырту бойынша жұмыстар жүргізу жоспарланған, осы қалаларда елді мекендердің 51 қиылысындағы өткізу қабілетін арттыру және түсіру үшін бұрын өзін жақсы көрсеткен 30-дан оң жаққа түсу съездерінің құрылысы бойынша жұмыстар жалғастырылады.ШҚО полиция департаментінің баспасөз қызметі
Республикалық және жергілікті маңызы бар автомобиль жолдарының 230 км жүріс бөлігінің жабынын орташа жөндеуді орындау қажет. "Нұрлы Жол" инфрақұрылымды дамытудың мемлекеттік бағдарламасы, инвестициялық жобалар шеңберінде республикалық маңызы бар "Алматы – Өскемен" және "Омбы – Майқапшағай" жолдарының 842 шақырымын реконструкциялау бойынша жұмыстар жалғасуда. Осыған ұқсас іс-шараларды облыс орталығы мен Семей қаласында өткізу жоспарланып отыр.
Полиция жол қозғалысын ұйымдастырудың заманауи құралдарын қолдану, белгілерді ауыстыру, жол жабынын жөндеу облыстың барлық қалалары мен аудандарында жоспарланғанын атап өтті.
