ҚР Қаржы министрлігінің Мемлекеттік кірістер комитетінің мәліметінше, 2022 жылдың қаңтар-ақпан айларында Қазақстанға барлығы салмағы 1 085 тонна, құны 8,5 млн долларға тең гүл әкелінген.
Ең жоғарғы сұранысқа ие гүл – раушан. Қазақстанға оның 724 тоннасы әкелінген. Раушанның құны 6 млн долларға тең. Екінші орында – хризантема (салмағы 97 тонна, құны 883 мың доллар), үшінші орында – қалампыр (салмағы 28 тонна, құны 165 мың доллар).
Сонымен қатар лалагүл де жоғары сұранысқа ие. Оны 24 тонна салмағымен 178 мың долларға әкелген.
Басқа да жаңадан жұлынған гүлдердің түрінен (қызғалдақ, линолиум, гипсофила, финикс, ирис, гортензия және басқа да экзотикалық гүлдер) 167 тонна гүл жеткізілген.
Биыл гүлдер Нидерланды (535 тонна), Бельгия (162 тонна), Германия (115 тонна), Эквадор (94 тонна), Литва (79 тонна), Колумбия (54 тонна), Өзбекстан (69 тонна), Кения (15 тонна), Словакия (5 тонна), Израиль (4 тонна) және Түркия (3 тонна) елдерінен әкелінді.
Айта кетейік, 2021 жылы Қазақстанға салмағы 5 752 тонна, құны 41,4 млн доллар болатын гүлдер жеткізілген еді.
Сонымен қатар 2021 жылы Қазақстан да гүлдерді экспортқа шығарған. Еліміз 17,8 тонна салмағындағы 71,4 мың долларға тең гүлдерді шетелге сатқан. Олардың ішінде раушан мен лалагүл көп.