Бұрынғыдай Қазақстан аумағының басым бөлігі оңтүстік циклонның ықпалында болады. Сонымен жауын-шашын, кей жерлерде қатты жауын-шашын (жаңбыр, қар), тұман, көктайғақ болып, жел күшейеді. Тек солтүстік-шығыста ғана суық антициклонның әсерінен ауа райы негізінен жауын-шашынсыз болады.«Қазгидромет» РМК
Ақмола, Солтүстік Қазақстан облыстарының оңтүстігінде, батысында баяу бұрқасын, жел 15-20 м/с күшейеді. Солтүстік Қазақстан облысының батысында тұман болады.
Түркістан облысының батысында, таулы және тау бөктеріндегі аудандарында найзағай ойнап, желдің жылдамдығы 15-25 м/с күшейеді.
Ақтөбе облысының солтүстігінде, шығысында 18 м/с жел соғады. Батыс Қазақстан облысының оңтүстігінде тұман болады. Түнде батыста жел 15-20 м/с күшейеді.
Маңғыстау облысының оңтүстігінде тұман болады. Күндіз батыста жел 15-20 м/с күшейеді.
Алматы облысының солтүстігінде, таулы аймақтарында тұман, көктайғақ, күндіз шығыста 15-20 м/с жел соғады.
Қостанай облысының оңтүстігінде, батысында баяу бұрқасын, тұман болады. Солтүстігі мен батысында 15-20 м/с жел соғады.
Қарағанды облысының батысында, оңтүстігінде тұман, көктайғақ болуы мүмкін. Солтүстікте аздаған бұрқасын, түнде және таңертең жел 15-20 м/с күшейеді.
Шығыс Қазақстан облысының батысында жел 15-20 м/с, күшейіп, түнде солтүстікте тұман болады.
Қызылорда облысының солтүстігінде көктайғақ, орталықта тұман болуы мүмкін.
Жамбыл облысының солтүстігінде, таулы аудандарында тұман болады. Оңтүстік-батысында, таулы аймақтарда жел 15-25 м/с күшейеді.
