Түнде Солтүстік Қазақстан облысының солтүстігінде, шығысында және Петропавлда ұйытқып, боран соғады.
Батыс Қазақстан облысының солтүстігінде және Оралда тұман түседі.
Қызылорда облысының солтүстігінде және Қызылордада тұман түсіп, түнде көктайғақ болады, оңтүстік-батыстан жел соғады деп күтіледі.
Қарағанды облысының оңтүстігінде тұман, көктайғақ болады деп күтіледі. Солтүстік-шығыстан оңтүстік-батысқа ойыса қатты жел тұрады. Жезқазғанда 26 наурыз күні көктайғақ болады.
Маңғыстау облысы мен Ақтауда жауын-шашын түседі. Түнде облыстың солтүстігінде, батысында кей жерлерде нөсер құяды. Түнде және таңертең облыстың солтүстігінде көктайғақ болады деп күтіледі.
Ақмола облысының солтүстігінде, оңтүстік-шығысында боран соғады. Облыстың батысы мен оңтүстігінде тұман түседі. Оңтүстік-батыстан солтүстік-шығысқа, солтүстіктен оңтүстік-шығысқа ойыса соққан ұйпа-тұйпа желдің екпіні 15-20 м/с құрайды.
Нұр-Сұлтанда түнде және таңертең тұман түседі деп күтіледі. Оңтүстік-батыстан солтүстік-шығысқа ойысқан күндізгі желдің екпіні 15-20 м/с жетеді.
Ақтөбе облысының оңтүстігінде, оңтүстік-шығысында көктайғақ болады деп күтіледі. Солтүстіктен, солтүстік-шығыстан соққан желдің екпіні 15 м/с жетеді.
