Алты ай мерзімге Қазақстан аумағынан ақ қантты (Еуразиялық экономикалық одақтың сыртқы экономикалық қызметтің бірыңғай тауар номенклатурасының коды 1701 99) және шикі құрақ қантты (ЕЭОС сыртқы экономикалық қызметінің бірыңғай тауар номенклатурасы 1701 13, 1701 14) әкетуге тыйым салу енгізілсін, – делінген құжатта.
Құжат 4 сәуірге дейін қоғамдық талқылау үшін Ашық НҚА сайтында жарияланған.
Бұған дейін Ресей 2022 жылдың 31 тамызына дейін қант пен шикі қантты ЕАЭО аумағынан тыс жерлерге шығаруға тыйым салғаны хабарланған еді. Қантты экспорттауға тыйым салу үшінші елдерге экспортқа қатысты, ЕАЭО-ға жеткізу Ресей Федерациясының Ауыл шаруашылығы министрлігі берген рұқсаттар негізінде ғана мүмкін.
ҚР Сауда және интеграция министрлігі Қазақстанда қант тапшылығының жоқ екенін және ел қоры үнемі толықтырылып отыратынын хабарлады. Алайда еліміздегі дүкендерде қант тапшылығы уақытша болып, кейін бұл тауар жаңа бағамен пайда болды.
