Қазақстандық әншілер шетелде өтетін концерт туралы Instagram-дағы жеке парақшасында жазды. Мейрамбек Беспаев пен Ғазизхан Шекербек концерттен түскен табыстың бір бөлігін қайырымға жұмсамақ.
Құрметті достар, концерттен түскен қаржының бір бөлігі қайырымдылыққа жұмсалмақ. Қасиетті Рамазан айын жақсы ниеттен бастайық. Ат салысыңыз! – деп жазды әншілер хабарландыруда.
Екі әнші де қазір Америка құрама штаттарында жүр. Мейрамбек Беспаев продюсер, блогер Серік Аббас-Шахты белгілеп, ағылшын тілін үйрену керек екенін жазды. Сонымен қатар Ғазизхан мен Мейрамбек Наурыз мейрамын да АҚШ-та атап өтті. Қазақстандықтарға сол жақтан сәлем жолдады.
Қос әншінің концерті 1 сәуір күні Огайода, 2 сәуір күні Филадельфияда өтеді. Желі қолданушылары олар үшін қуанып жатыр. Оқырман «Қазақтар шетелді бағындырып жатыр» деп қуанды.
