Айдар Әбілдабеков «Алтын Орда» Орталық Азиядағы ең үлкен базар екенін, оның аумағы шамамен 28-29 гектар болатынын айтты.
Бас прокуратураның тапсырмасы бойынша базар қызметіне тексеру жүргізілді. Салық органдарының өкілдері 1,6 млрд теңгеге заң бұзушылықты анықтады. Оның 1,1 миллиард теңгеден астамы қазірдің өзінде өтелді. Ветеринария саласына қатысты да заң бұзушылықтар анықталды, көптеген нысандар тиісті рұқсатсыз салынған. ҚР Сауда және интеграция министрлігінің сауда комитеті төрағасының орынбасары Айдар Әбілдабеков
Оның мәліметінше, бүгінде Қазақстанда 761 базар болса, соның 515-і азық-түлік базары.
Бұл ретте ол еліміздің барлық базарларын заманауи сауда орындарына айналдыру мақсатында жаңғырту жоспарланып отырғанын айтты.