Алматы әкімдігінің мәліметінше, «Almaty Arena» жанынан жабық жеңіл атлетикалық манеж салу жоспарланып отыр. Осылайша заманауи спорт кластері қалыптасады.
Инновациялық шығармашылық орталығының (Оқушылар сарайы) құрылысы жүргізіліп жатыр. Орталыққа аптасына 5 мыңнан астам бала бара алады. Құрылыс жұмысы келесі жылы аяқталады.
Балалардың білім беру, спорт және шығармашылық үйірмелерге қатысуы қала бюджетінен қаржыландырылады.
Бүгінде Алатау ауданында 58 шығармашылық бағыт бойынша 215 үйірме ашылды. Зерделі шағын ауданында денешынықтыру-сауықтыру кешені мен Нұркент шағын ауданында үлкен теннис орталығының құрылысы жүргізіліп жатыр.